അസൂയ ...

പാലപൂമണം .. അരികില്‍ നിറയുന്നുണ്ട്.
ദൂരേ ഒരു കുഞ്ഞു മഴയും ..
രാവ് വന്നു ചിണുങ്ങുന്നുണ്ട്
നാളെയുടെ പുലരിയില്‍ തീര്‍ന്നു പോകുവാന്‍...
നക്ഷത്രം എന്നോട് പറയാതെ
അമ്പിളിയോട് സ്വകാര്യമോതിയതെന്താവും ..
അല്ലെങ്കിലെന്തിനിത്ര ചേര്‍ന്നു നില്‍ക്കുന്നു ..
രാവൂ പൂക്കുന്ന വീഥികളില്‍ നിന്ന് , മേലേ വിണ്ണിലേ -
ഈ സ്വകാര്യം ഞാന്‍ കണ്ടില്ലെന്ന് കരുതരുത് ..
അവളിപ്പൊള്‍ പറയുന്നുണ്ട് ..
എന്റെ ഉള്ളില്‍ നിന്നും അടര്‍ത്തിയെടുത്ത
സ്നേഹ ഇതളുകളില്‍ അസൂയ മണക്കുന്നു എന്ന് ..
നിന്നില്‍ മാത്രം ആഴ്ന്ന് പോകുന്ന എന്റെ വേരുകളില്‍,
നിന്നും മൊട്ടിടുന്ന പൂവിന് പിന്നേ ... എന്താണുണ്ടാവുക ..